புரோ கபடி லீக்; ஜெய்ப்பூர், யு மும்பா அணிகள் வெற்றி

நொய்டா,

11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்தில் நடந்து முடிந்தன. இதையடுத்து தொடரின் 2-வது கட்ட லீக் ஆட்டங்கள் நொய்டாவில் நடைபெற்று வருகின்றன.

இந்நிலையில், இந்த தொடரில் நேற்று 2 லீக் ஆட்டங்கள் நடைபெற்றன. அதில் இரவு 8 மணிக்கு தொடங்கிய முதல் ஆட்டத்தில் புனேரி பால்டன் - ஜெய்ப்பூர் பிங்க் பாந்தர்ஸ் அணிகள் மோதின. இந்த போட்டியில் தொடக்கம் முதலே ஆதிக்கம் செலுத்திய ஜெய்ப்பூர் அணி 37-23 என்ற புள்ளிக்கணக்கில் புனேவை வீழ்த்தி பெற்றி பெற்றது.

தொடர்ந்து இரவு 9 மணிக்கு நடைபெற்ற மற்றொரு ஆட்டத்தில் யு மும்பா - பெங்களூரு புல்ஸ் அணிகள் மோதின. தொடக்கம் முதலே பரபரப்பாக நடைபெற்ற இந்த ஆட்டத்தில் 34-32 என்ற புள்ளிக்கணக்கில் பெங்களூருவை வீழ்த்தி யு மும்பா திரில் வெற்றி பெற்றது.