புரோ கபடி லீக்: பெங்களூரு புல்ஸை வீழ்த்தி வெற்றி பெற்ற அரியானா ஸ்டீலர்ஸ்

புனே,

11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்திலும், 2-வது கட்ட லீக் ஆட்டங்கள் நொய்டாவிலும் நடைபெற்று முடிந்தன. இந்த தொடரின் 3-வது கட்ட லீக் ஆட்டங்கள் தற்போது புனேவில் நடைபெற்று வருகிறது.

இந்நிலையில், இந்த தொடரில் இன்று 2 லீக் ஆட்டங்கள் நடைபெறுகிறது. அதன்படி இரவு 8 மணிக்கு தொடங்கிய ஆட்டத்தில் அரியானா ஸ்டீலர்ஸ் - பெங்களூரு புல்ஸ் அணிகள் மோதின. இந்த போட்டியில் அரியானா ஸ்டீலர்ஸ் அணி தொடக்கம் முதலே ஆதிக்கம் செலுத்தியது.

இறுதியில் இந்த ஆட்டத்தில் 37-26 என்ற புள்ளிக்கணக்கில் பெங்களூரு புல்ஸை வீழ்த்தி அரியானா ஸ்டீலர்ஸ் வெற்றி பெற்றது. இந்த வெற்றியின் மூலம் முதல் அணியாக அரியானா பிளே ஆப் சுற்றுக்கு முன்னேறியது. இன்று நடைபெற்று வரும் மற்றொரு ஆட்டத்தில் தமிழ் தலைவாஸ் - யு மும்பா அணிகள் ஆடி வருகின்றன.