புரோ கபடி லீக்: தமிழ் தலைவாஸ் அணியை வீழ்த்தி அரியானா வெற்றி

நொய்டா,

11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்தில் நடந்து முடிந்தன. இதையடுத்து தொடரின் 2-வது கட்ட லீக் ஆட்டங்கள் நொய்டாவில் நடைபெற்று வருகின்றன.

இந்நிலையில், இந்த தொடரில் இன்று இரவு 8 மணிக்கு நடைபெற்ற ஆட்டத்தில் தமிழ் தலைவாஸ் - அரியானா ஸ்டீலர்ஸ் அணிகள் மோதின .

பரபரப்பான இந்த ஆட்டத்தில் அரியானா தொடக்கம் முதல் சிறப்பாக விளையாடி ஆதிக்கம் செலுத்தியது. இதனால் ஆட்ட நேர முடிவில் 36-29 என்ற புள்ளிகள் கணக்கில் தமிழ் தலைவாஸ் அணியை வீழ்த்தி அரியானா அணி வெற்றி பெற்றது.