சீனா மாஸ்டர்ஸ் பேட்மிண்டன்: சாத்விக்-சிராக் ஜோடி அரையிறுதியில் தோல்வி

ஷென்ஜென்,

சீனா மாஸ்டர்ஸ் சர்வதேச பேட்மிண்டன் போட்டி ஷென்ஜென் நகரில் நடந்து வருகிறது. இதில் ஆண்கள் இரட்டையர் பிரிவில் நேற்று நடந்த அரைஇறுதி ஆட்டம் ஒன்றில் இந்தியாவின் சாத்விக் சாய்ராஜ் ரங்கி ரெட்டி- சிராக் ஷெட்டி இணை, தென்கொரியாவின் ஜின் யோங்- சியோ செங் ஜாய் இணையுடன் மோதியது.

விறுவிறுப்பாக நடைபெற்ற இந்த ஆட்டத்தில் சாத்விக் சாய்ராஜ் ரங்கி ரெட்டி- சிராக் ஷெட்டி ஜோடி 18-21, 21-14, 16-21 என்ற செட் கணக்கில் ஜின் யோங்- சியோ செங் ஜாய் ஜோடியிடம் அதிர்ச்சி தோல்வி கண்டு ஏமாற்றம் அளித்தது. இந்த ஆட்டம் ஒரு 1 மணி 14 நிமிடம் நடந்தது. இத்துடன் இந்த போட்டியில் இந்தியாவின் சவால் முடிவுக்கு வந்தது.