பாரீஸ் ஒலிம்பிக்: துப்பாக்கி சுடுதலில் இந்திய வீராங்கனை இறுதி சுற்றுக்கு தகுதி

பாரீஸ்,

உலகின் மிகப்பெரிய விளையாட்டு திருவிழாவான 'ஒலிம்பிக்'போட்டி பாரீஸ் நகரில் நேற்று முன்தினம் கோலாகலமாக தொடங்கியது. இதில் 206 நாடுகளைச் சேர்ந்த 10,500-க்கும் மேற்பட்ட வீரர், வீராங்கனைகள் பங்கேற்றுள்ளனர்.

இதில் இன்று நடைபெற்ற பெண்களுக்கான 10 மீட்டர் ஏர் ரைபிள் தகுதி சுற்று போட்டியில் இந்திய வீராங்கனைகளான இளவேனில், ரமிதா ஜிண்டால் கலந்து கொண்டனர். இந்த போட்டியில் முதல் 8 இடங்களை பிடிக்கும் வீராங்கனைகள் மட்டுமே இறுதி சுற்றுக்கு முன்னேற முடியும் என்ற சூழலில் ரமிதா ஜிண்டால் சிறப்பாக செயல்பட்டு 5-வது இடத்தை பிடித்தார். இதன் மூலம் அவர் இறுதி சுற்றுக்கு தகுதி பெற்றுள்ளார்.

மற்றொரு இந்திய வீராங்கனையான இளவேனில் 10-வது இடத்தை பிடித்து வெளியேறினார்.