தேசிய ஆக்கி: தமிழ்நாடு - அந்தமான் நிக்கோபார் அணிகள் இன்று மோதல்

சென்னை,

தமிழ்நாடு ஆக்கி அமைப்பு சார்பில், 14-வது ஆக்கி இந்தியா தேசிய சீனியர் ஆண்கள் சாம்பியன்ஷிப் போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது. இதில் பங்கேற்றுள்ள 30 மாநில அணிகள் 8 பிரிவாக பிரிக்கப்பட்டு லீக்கில் மோதி வருகின்றன. ஒவ்வொரு அணியும், தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும். லீக் சுற்று முடிவில் ஒவ்வொரு பிரிவிலும் முதலிடம் பிடிக்கும் அணி கால்இறுதிக்கு முன்னேறும்.

இந்த தொடரில் , இன்று நடைபெறும் ஆட்டங்களில் காலை 7 மணிக்கு நடைபெறும் ஆட்டத்தில் டெல்லி- உத்தரபிரதேசம் அணிகள் மோதுகின்றன.

உத்தரகாண்ட்-சண்டிகார் (காலை 10.30 மணி), தெலுங்கானா-மிசோரம் (பகல் 12.15 மணி), ஆந்திரா-மத்திய பிரதேசம் (பிற்பகல் 2 மணி), தமிழ்நாடு - அந்தமான் நிக்கோபார் (மாலை 3.45 மணி) அணிகள் மோதுகின்றன.