ஐ.எஸ்.எல். கால்பந்து தொடர்; முகமதின் அணியை வீழ்த்தி அசத்தல் வெற்றி பெற்ற பஞ்சாப் எப்.சி

புதுடெல்லி,

13 அணிகள் பங்கேற்றுள்ள 11-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் பல்வேறு நகரங்களில் நடந்து வருகிறது. இந்த தொடரில் இன்று ஒரு லீக் ஆட்டம் நடைபெற்றது. புதுடெல்லியில் இன்று நடைபெற்ற ஆட்டத்தில் முகமதின் எஸ்.சி - பஞ்சாப் எப்.சி அணிகள் மோதின.

இந்த போட்டியின் முதல் பாதி ஆட்டம் கோல் ஏதுமின்றி முடிந்தது. தொடர்ந்து நடைபெற்ற 2வது பாதி ஆட்டத்தில் ஆதிக்கம் செலுத்திய பஞ்சாப் எப்.சி அணி அடுத்தடுத்து 2 கோல்களை அடித்து அசத்தியது. முகமதின் அணி பதில் கோல் திருப்ப எடுத்த முயற்சிகளுக்கு இறுதிவரை பலன் கிடைக்கவில்லை.

இறுதியில் ஆட்ட நேர முடிவில் பஞ்சாப் அணி 2-0 என்ற கோல் கணக்கில் முகமதின் அணியை வீழ்த்தி அசத்தல் வெற்றி பெற்றது. இந்த தொடரில் நாளை 2 லீக் ஆட்டங்கள் நடைபெறுகிறது. இதில் மாலை 5 மணிக்கு தொடங்கும் ஆட்டத்தில் சென்னையின் எப்.சி - ஈஸ்ட் பெங்கால் அணிகளும், இரவு 7.30 மணிக்கு தொடங்கும் ஆட்டத்தில் பெங்களூரு எப்.சி - கேரளா பிளாஸ்டர்ஸ் அணிகள் மோத உள்ளன.