ஐ.எஸ்.எல்.கால்பந்து ; ஈஸ்ட் பெங்கால் - ஒடிசா அணிகள் இன்று மோதல்

கொல்கத்தா

13 அணிகள் பங்கேற்றுள்ள 11-வது இந்தியன் சூப்பர் லீக் (ஐ.எஸ்.எல்.) கால்பந்து போட்டி பல்வேறு நகரங்களில் நடந்து வருகிறது. இதில் கொல்கத்தாவில் இன்று நடைபெற உள்ள லீக் ஆட்டம் ஒன்றில் ஈஸ்ட் பெங்கால் அணி, ஒடிசா அணியை எதிர்கொள்கிறது.

நடப்பு தொடரில் ஒடிசா அணி இதுவரை 11 ஆட்டங்களில் 4 வெற்றி, 4 டிரா, 3 தோல்வி கண்டு புள்ளிப்பட்டியலில் 5வது இடத்தில் உள்ளது. அதேவேளையில் 9 ஆட்டங்களில் ஆடியுள்ள ஈஸ்ட் பெங்கால் 2 வெற்றி, 6 தோல்வி, 1 டிரா கண்டு புள்ளிப்பட்டியலில் 11வது இடத்தில் உள்ளது.