ஐ.எஸ்.எல். கால்பந்து: சென்னை-ஈஸ்ட் பெங்கால் அணிகள் இன்று மோதல்

சென்னை,

13 அணிகள் பங்கேற்றுள்ள 11-வது இந்தியன் சூப்பர் லீக் (ஐ.எஸ்.எல்.) கால்பந்து போட்டி பல்வேறு நகரங்களில் நடந்து வருகிறது. இதில் சென்னை நேரு ஸ்டேடியத்தில் இன்று நடைபெறும் லீக் ஆட்டம் ஒன்றில் முன்னாள் சாம்பியன் சென்னையின் எப்.சி., ஈஸ்ட் பெங்கால் எப்.சி. அணியை எதிர்கொள்கிறது.

நடப்பு தொடரில் சென்னை அணி இதுவரை 10 ஆட்டங்களில் ஆடி 3 வெற்றி, 3 டிரா, 4 தோல்வி என 12 புள்ளிகளுடன் 9-வது இடத்தில் உள்ளது. ஈஸ்ட் பெங்கால் 8 ஆட்டங்களில் ஒரு வெற்றி, ஒரு டிரா, 6 தோல்வியுடன் கடைசி இடத்தில் இருக்கிறது.

இவ்விரு அணிகளும் இதுவரை 8 முறை நேருக்கு நேர் மோதியதில் சென்னை அணி 2 ஆட்டங்களிலும், பெங்கால் ஒரு ஆட்டத்திலும் வெற்றி பெற்று இருக்கின்றன. 5 ஆட்டங்கள் டிராவில் முடிந்தது. தொடர்ந்து பெங்களூருவில் இரவு 7.30 மணிக்கு நடக்கும் மற்றொரு ஆட்டத்தில் பெங்களூரு எப்.சி.- கேரளா பிளாஸ்டர்ஸ் அணிகள் மோதுகின்றன.