விஜய் ஹசாரே கோப்பை: 2வது அரையிறுதியில் விதர்பா - மகாராஷ்டிரா அணிகள் இன்று மோதல்

வதோதரா,

இந்தியாவில் நடைபெறும் உள்ளூர் ஒருநாள் கிரிக்கெட் தொடரான விஜய் ஹசாரே கோப்பையின் 32-வது சீசன் இறுதி கட்டத்தை எட்டிவிட்டது. இதன் பிளே ஆப் மற்றும் காலிறுதி சுற்று ஆட்டங்களின் முடிவில் அரியானா, கர்நாடகா, விதர்பா மற்றும் மகாராஷ்டிரா ஆகிய அணிகள் அரையிறுதிக்கு தகுதி பெற்றன.

இதில் நேற்று நடைபெற்ற முதலாவது அரையிறுதி ஆட்டத்தில் அரியானாவை வீழ்த்தி கர்நாடகா இறுதிப்போட்டிக்கு முன்னேறியது. இந்நிலையில், இந்த தொடரில் 2வது அரையிறுதி ஆட்டம் இன்று நடக்கிறது. இதில் விதர்பா மற்றும் மகாராஷ்டிரா அணிகள் மோத உள்ளன.

இரு அணிகளும் இறுதிப்போட்டிக்கு முன்னேற, இந்த ஆட்டத்தில் வெற்றி பெறுவதற்காக தீவிர முயற்சி காட்டும் என்பதால் இந்த ஆட்டத்தில் பரபரப்புக்கு பஞ்சம் இருக்காது. இந்திய நேரப்படி ஆட்டம் மதியம் 1.30 மணிக்கு தொடங்குகிறது.