வங்காளதேசத்திற்கு எதிரான டெஸ்ட் தொடர்; வெஸ்ட் இண்டீஸ் அணி அறிவிப்பு

பார்படாஸ்,

வெஸ்ட் இண்டீஸ் கிரிக்கெட் அணி தற்போது இங்கிலாந்துக்கு எதிராக 5 போட்டிகள் கொண்ட டி20 தொடரில் ஆடி வருகிறது. இந்த தொடர் நிறைவடைந்ததும் வங்காளதேச கிரிக்கெட் அணி வெஸ்ட் இண்டீஸ்க்கு சுற்றுப்பயணம் மேற்கொண்டு 2 டெஸ்ட், 3 ஒருநாள் மற்றும் 3 டி20 போட்டிகள் கொண்ட தொடரில் ஆட உள்ளது.

இந்த தொடர் வரும் 22ம் தேதி தொடங்குகிறது. இந்த தொடரில் முதலில் டெஸ்ட் போட்டிகளும் அதனை தொடர்ந்து ஒருநாள் மற்றும் டி20 போட்டிகளும் நடைபெற உள்ளது. இந்நிலையில், வங்காளதேசத்திற்கு எதிரான டெஸ்ட் தொடருக்கான வெஸ்ட் இண்டீஸ் அணி இன்று அறிவிக்கப்பட்டுள்ளது.

இந்த அணிக்கு கிரேக் பிராத்வெய்ட் கேப்டனாகவும், ஜோசுவா டி சில்வா துணை கேப்டனாகவும் நியமிக்கப்பட்டுள்ளனர். ஆச்சரியம் அளிக்கும் வகையில் இந்த அணியில் ஆல் ரவுண்டர் ஜேசன் ஹோல்டருக்கு இடம் அளிக்கப்படவில்லை.

வெஸ்ட் இண்டீஸ் அணி விவரம்;

கிரேக் பிராத்வெய்ட் (கேப்டன்), ஜோசுவா டி சில்வா (துணை கேப்டன்), அலிக் அத்தானஸ், கீசி கார்டி, ஜஸ்டின் கிரேவஸ், கவேம் ஹோட்ஜ், டெவின் இம்லாச், அல்ஜாரி ஜோசப், ஷமர் ஜோசப், மைகைல் லூயிஸ், ஆண்டர்சன் பிலிப், கெமர் ரோச், ஜெய்டன் சீல்ஸ், கெவின் சின்க்லெய்ர், ஜோமல் வாரிகன்.