இத்தாலி டி20 அணியின் புதிய கேப்டனாக ஆஸ்திரேலிய முன்னாள் வீரர் நியமனம்

ரோம்,

ஆஸ்திரேலிய முன்னாள் தொடக்க ஆட்டக்காரரான ஜோ பர்ன்ஸ் இத்தாலி டி20 அணியின் புதிய கேப்டனாக நியமிக்கப்பட்டுள்ளார். 35 வயதான இவர் ஆஸ்திரேலிய அணிக்காக 23 டெஸ்ட் மற்றும் 6 ஒருநாள் போட்டிகளில் விளையாடியுள்ளார்.

இவர் ஆஸ்திரேலிய அணியில் 2014- 2020-ம் ஆண்டு கால கட்டங்களில் தொடக்க ஆட்டக்காரராக விளையாடியுள்ளார். அதன்பின் அணியில் இடம் கிடைக்காத நிலையில் இத்தாலிக்கு குடி பெயர்ந்து அங்கு விளையாடும் வாய்ப்பை பெற்றார்.

இந்நிலையில் 2026-ம் ஆண்டு டி20 உலகக்கோப்பைக்கு இத்தாலி முன்னேறும் நோக்கில் இவரை புதிய டி20 கேப்டனாக அந்நாட்டு கிரிக்கெட் வாரியம் அறிவித்துள்ளது.

இதுவரை இத்தாலி அணிக்காக 5 இருபது ஓவர் போட்டியில் ஆடி ஒரு சதம், ஒரு அரைசதம் உள்பட 211 ரன்கள் எடுத்துள்ளார்.