3-வது டி20 போட்டி: இந்தியா - தென் ஆப்பிரிக்கா அணிகள் நாளை மோதல்

செஞ்சூரியன் ,

தென் ஆப்பிரிக்காவில் சுற்றுப்பயணம் மேற்கொண்டுள்ள இந்திய கிரிக்கெட் அணி 4 போட்டிகள் கொண்ட டி20 தொடரில் விளையாடி வருகிறது. இதில் நடைபெற்ற முதலாவது ஆட்டத்தில் 61ரன்கள் வித்தியாசத்தில் இந்திய அணி வெற்றி பெற்றது. இவ்விரு அணிகள் மோதிய 2-வது போட்டி கெபேஹாவில் உள்ள செயிண்ட் ஜார்ஜ் பார்க் மைதானத்தில் நேற்று முன்தினம் நடைபெற்றது . இதில் 3 விக்கெட்டுகள் வித்தியாசத்தில் தென் ஆப்பிரிக்கா வெற்றி பெற்றது. இதனால் தொடர் 1-1 என சமனில் உள்ளது.

இந்த நிலையில், இரு அணிகளுக்கும் இடையேயான 3-வது டி20 போட்டி நாளை நடைபெற உள்ளது. இந்திய நேரப்படி இரவு 8.30 மணிக்கு போட்டி தொடங்குகிறது.