2 கோடி வாக்குகளை பெற்ற தி.மு.க. கூட்டணி... பா.ஜ.க.வுக்கு எவ்வளவு?

சென்னை,

தமிழகத்தில் மொத்தமுள்ள 39 மக்களவை தொகுதிகளில் கூட்டணி கட்சியினர் பெற்ற வாக்குகளின் மொத்த எண்ணிக்கை விவரங்கள் வெளிவந்துள்ளன.

இதன்படி, தி.மு.க. கூட்டணியினர் மொத்தம் 2 கோடியே 6 ஆயிரத்து 693 வாக்குகளை பெற்றுள்ளனர். இந்த கூட்டணி மொத்தமுள்ள 39 தொகுதிகளையும் கைப்பற்றியுள்ளது. அ.தி.மு.க. கூட்டணியினர் 1 கோடியே 55 ஆயிரத்து 124 வாக்குகளை பெற்றுள்ளனர்.

இதேபோன்று பா.ஜ.க. கூட்டணியினர் மொத்தம் 79 லட்சத்து 44 ஆயிரத்து 700 வாக்குகளை பெற்று மொத்த வாக்குகளின் எண்ணிக்கையில் 3-வது இடம் பிடித்துள்ளனர்.

இவை தவிர்த்து, கூட்டணி இல்லாமல் தனித்து போட்டியிட்ட நாம் தமிழர் கட்சி மொத்தம் 35 லட்சத்து 60 ஆயிரத்து 485 வாக்குகளை பெற்றுள்ளது.