கர்நாடகா: முன்னாள் முதல்-மந்திரி பசவராஜ் பொம்மை ஹாவேரி தொகுதியில் வெற்றி

பெங்களூரு,

நாடாளுமன்ற தேர்தலில் பதிவான வாக்குகளை எண்ணும் பணி காலை 8 மணிக்கு துவங்கி விறுவிறுப்பாக நடந்து வருகிறது. கர்நாடகாவில் மொத்தம் உள்ள 28 தொகுதிகளில் பா.ஜ.க. 7 தொகுதிகளிலும், பா.ஜ.க. கூட்டணியில் உள்ள மதசார்பற்ற ஜனதா தளம் 2 தொகுதிகளிலும், காங்கிரஸ் 1 தொகுதியிலும், வெற்றி பெற்று உள்ளது. எஞ்சிய தொகுதிகளில் வாக்கு எண்ணிக்கை தொடர்ந்து நடைபெற்று வருகிறது.

ஹாவேரி தொகுதியில் போட்டியிட்ட பா.ஜ.க. தலைவரும், கர்நாடக முன்னாள் முதல்-மந்திரியுமான பசவராஜ் பொம்மை 7,05,538 வாக்குகள் பெற்று வெற்றி பெற்றுள்ளார். அவரை எதிர்த்து போட்டியிட்ட காங்கிரஸ் வேட்பாளர் ஆனந்தசுவாமி கடதேவர்மத் 6,62,025 வாக்குகள் பெற்றுள்ளார். இருவருக்கும் இடையிலான வாக்கு வித்தியாசம் 43,513 ஆகும்.