அதிக ஆண்டுகள் ஆட்சி அதிகாரத்தில் இருந்த காங்கிரஸ்: நாடாளுமன்ற தேர்தல் முடிவுகள்- ஒரு பார்வை

இந்திய நாடாளுமன்றத்தின் கீழ்சபை அல்லது மக்களவைக்கு உறுப்பினர்களை தேர்ந்தெடுப்பதற்காக ஐந்து ஆண்டுகளுக்கு ஒருமுறை தேர்தல் நடைபெறுகிறது. இந்த தேர்தலில் வெற்றி பெறுபவர்களின் பதவிக்காலம் ஐந்து ஆண்டுகள் ஆகும். இந்த காலகட்டத்தில் பிரதமர் தலைமையிலான மத்திய அமைச்சர்கள் குழுவின் பரிந்துரையின் பேரில் குடியரசுத் தலைவரால் நாடாளுமன்றம் கலைக்கப்பட்டால், உறுப்பினர்களின் பதவிக்காலமும் முடிவுக்கு வரும்.

நாடு சுதந்திரம் அடைந்தபிறகு முதல் பொதுத்தேர்தல் 1951-52ல் நடத்தப்பட்டது. கடைசியாக 2019ல் 17-வது மக்களவைக்கான தேர்தல் நடத்தப்பட்டது. 18-வது மக்களவைக்கு உறுப்பினர்களை தேர்ந்தெடுக்க அடுத்த மாதம் (ஏப்ரல்) 19-ம் தேதி தொடங்கி 7 கட்டங்களாக வாக்குப்பதிவு நடத்தப்படுகிறது.

இதுவரை நடைபெற்ற 17 பொதுத் தேர்தல்களில் 10 முறை காங்கிரஸ் கட்சி வெற்றி பெற்று கிட்டத்தட்ட 50 ஆண்டுகள் ஆட்சி அதிகாரத்தில் இருந்துள்ளது. பா.ஜ.க. ஐந்து முறை வெற்றி பெற்றுள்ளது. தேர்தல் முடிவுகள் தொடர்பான சுருக்கமான விவரத்தை பார்ப்போம்.