டங்ஸ்டன் விவகாரம்: முதல்-அமைச்சரின் நிலைப்பாடு பாராட்டத்தக்கது: கமல்ஹாசன்

சென்னை,

நடிகரும், ம.நீ.ம.கட்சியின் தலைவருமான கமல்ஹாசன் தனது எக்ஸ் தளத்தில் தெரிவித்து இருப்பதாவது;

மக்களின் விருப்பத்துக்கு மாறாக அரிட்டாப்பட்டியில் டங்ஸ்டன் சுரங்கம் அமையக் கூடாது என்பதில் தமிழ்நாடு முதல்-அமைச்சர் மு.க.ஸ்டாலின் நெஞ்சுரத்தோடு எடுத்திருக்கும் உறுதியான நிலைப்பாடு பாராட்டத்தக்கது.

'நான் முதல்-அமைச்சராக இருக்கும்வரை அரிட்டாப்பட்டியில் டங்ஸ்டன் சு ரங்கம் அமையாது' என்று முதல்-அமைச்சர் சட்டசபையில் பேசியிருப்பது மக்கள் மீதான அவரது அக்கறையையும் இயற்கை காக்கப்பட வேண்டும் என்பதில் அவருக்கிருக்கும் ஈடுபாட்டையும் தெளிவுபடக் காட்டுகிறது.

மக்கள் பிரச்னையை நெஞ்சுக்கு நெருக்கமாக அணுகும் முதல்-அமைச்சரின் உறுதி கொண்ட நெஞ்சத்தை மனமாரப் பாராட்டுகிறேன்."

இவ்வாறு அதில் அவர் தெரிவித்துள்ளார்.