இன்றைய முக்கிய செய்திகள் சில வரிகளில்.. 11-02-2025

திண்டுக்கல், பழனி அடிவாரத்தில் உள்ள தனியார் தங்கும் விடுதியில் பெண் ஒருவர் குத்திக்கொலை செய்யப்பட்ட சம்பவம் பரபரப்பை ஏற்படுத்தி உள்ளது.

சென்னை நீலாங்கரை இல்லத்தில் தவெக தலைவர் விஜய்யை மீண்டும் சந்திக்கிறார் பிரசாந்த் கிஷோர். பனையூரில் தவெக நிர்வாகிகளுடன் பிரசாந்த் கிஷோர் நடத்திய ஆலோசனை நிறைவு பெற்றது. சுமார் 3 மணி நேரத்துக்கு மேலாக தவெக நிர்வாகிகளுடன் பிரசாந்த் கிஷோர் ஆலோசனை நடத்தியதாக தகவல் வெளியாகி உள்ளது. 

திருப்பதியில் விஐபி பிரேக் தரிசனம் மூலம் திருப்பதி ஏழுமலையான் கோவிலில் நடிகர் கார்த்தி சாமி தரிசனம் செய்தார்.

ரெயிலில் பெண்ணுக்கு பாதுகாப்பு இல்லை என்றால் 'பெண் குழந்தையைக் காப்போம்' திட்டத்தின் பயன் என்ன? ரெயில்வே துறை மந்திரி பதிலளிக்க வேண்டும். ரெயிலில் பாலியல் வன்கொடுமைக்கு உள்ளாக்கப்பட்டு கர்ப்பிணி தள்ளிவிடப்பட்ட சம்பவத்தையொட்டி மக்களவையில் எம்.பி. மாணிக்கம் தாகூர் கேள்வி எழுப்பினார்.

தமிழகத்தில் 17ம் தேதி வரை வறண்ட வானிலையே நிலவும் - சென்னை வானிலை ஆய்வு மையம்

லாட்டரி சீட்டு விற்பனையாளர்கள் மத்திய அரசுக்கு சேவை வரி செலுத்த வேண்டியதில்லை: சுப்ரீம் கோர்ட்டு தீர்ப்பு

ரசிகையின் காலணி கயிறுகளை கட்டி விட்ட நடிகர் அஜித்... வைரலான வீடியோ

மணிப்பூரில் தடை செய்யப்பட்ட பயங்கரவாத இயக்கத்துடன் தொடர்புடைய 9 பயங்கரவாதிகளை பாதுகாப்பு படையினர் கைது செய்துள்ளனர்.

அவர்கள் மிரட்டல், பணம் பறித்தல் போன்ற செயல்களில் ஈடுபட்டு வந்துள்ளனர். அவர்களிடம் இருந்து, நவீன ரக துப்பாக்கிகள், வெடிபொருட்கள் மற்றும் பிற பொருட்களையும் கைப்பற்றி உள்ளனர்.

மீண்டும் புதிய உச்சத்தில் தங்கம் விலை...சாமானிய மக்கள் அதிர்ச்சி

திருக்காம்புலியூர் பகுதியில் கரூர் - திருச்சி ஒரு வழி ரெயில் பாதையில் ரெயில்வே தண்டவாளத்தில் விரிசல் ஏற்பட்டு உள்ளது. இதனை முன்னாள் ஊழியர் ஒருவர் பார்த்து ரெயில்வே அதிகாரிகளிடம் தகவல் தெரிவித்து உள்ளார்.

ரெயில் சென்றால் விபத்து ஏற்படும் என்ற சூழலில், எர்ணாகுளம் - காரைக்கால் எக்ஸ்பிரஸ் ரெயில் முன்கூட்டியே நிறுத்தப்பட்டது. 100 மீட்டர் தூரத்தில் கொடியசைத்து ரெயில் நிறுத்தப்பட்டது. இதனால் பெரும் விபத்து தவிர்க்கப்பட்டு உள்ளது.