இன்றைய முக்கிய செய்திகள் சில வரிகளில்... (12.12.2024)
உள்ளூர் முதல் உலகம் வரை இன்று நடைபெறும் முக்கிய நிகழ்வுகளை உடனுக்கு உடன் இங்கே தெரிந்து கொள்ளலாம்.
Live Updates
- 12 Dec 2024 12:43 PM IST
பெரியாரின் வைக்கம் போராட்டம் மிக முக்கியமானது என அண்ணல் அம்பேத்கர் குறிப்பிட்டார். வைக்கம் போராட்டத்தை தொடர்ந்து தமிழ்நாட்டிலும் பல கோயில் நுழைவு போராட்டங்கள் நடந்ததற்கு பெரியாரே காரணம்!"- முதல் அமைச்சர் மு.க.ஸ்டாலின் பேச்சு
- 12 Dec 2024 11:48 AM IST
பல்வேறு பிரச்சினைகளை முன்னிறுத்தி எதிர்க்கட்சிகள் தொடர் அமளியில் ஈடுபட்டதால் மாநிலங்களவை பிற்பகல் 2 மணி வரை ஒத்திவைக்கப்பட்டுள்ளது.
- 12 Dec 2024 11:40 AM IST
சென்னையில் பல்வேறு பகுதிகளிலும் அதிகாலை முதல் கனமழை பெய்து வருகிறது. கனமழையால் தாழ்வான பகுதிகளில் தண்ணீர் தேங்கியுள்ளது. இதனால், மக்கள் கடும் சிரமத்திற்கு உள்ளாகியுள்ளனர்.
12 Dec 2024 10:51 AM ISTவைக்கம் போராட்ட 100ம் ஆண்டு நிறைவு விழா கொண்டாட்டத்தை முன்னிட்டு புனரமைக்கப்பட்ட பெரியார் நினைவகத்தை தமிழ்நாடு முதல் அமைச்சர் மு.க.ஸ்டாலின், கேரள முதல் மந்திரி பினராயி விஜயன் ஆகியோர் இணைந்து திறந்து வைத்தனர்
- 12 Dec 2024 10:26 AM IST
ரஜினிகாந்த்திற்கு தவெக தலைவர் விஜய் பிறந்த நாள் வாழ்த்து தெரிவித்துள்ளார். விஜய் இது தொடர்பாக தனது எக்ஸ் பதிவில் கூறியிருப்பதாவது:- பேரன்பிற்கும் மரியாதைக்கும் உரிய ரஜினிகாந்த்திற்கு இனிய பிறந்த நாள் வாழ்த்துகளைத் தெரிவித்துக்கொள்கிறேன். தாங்கள் நல்ல ஆரோக்கியத்துடன் நீடூழி வாழ இறைவனைப் பிரார்த்திக்கிறேன்” என்று பதிவிட்டுள்ளார்.
- 12 Dec 2024 9:24 AM IST
புகழ்பெற்ற திருவண்ணாமலை அருணாசலேஸ்வரர் கோவிலில் கார்த்திகை தீப திருவிழாவை முன்னிட்டு 2,668 அடி உயர மலை உச்சியில் நாளை (வெள்ளிக்கிழமை) மகாதீபம் ஏற்றப்படுகிறது. இதற்காக மலை உச்சிக்கு தீப கொப்பரை கொண்டு செல்லப்படுகிறது.
நாளை அதிகாலை அண்ணாமலையார் கருவறை முன்பு 4 மணிக்கு பரணி தீபம் ஏற்றப்படும். மாலை 6 மணிக்கு 2668 அடி உயர மலை உச்சியில் மகா தீபம் ஏற்றப்படும். பஞ்ச லோகத்தால் ஆன அர்த்தநாரீஸ்வரர் உருவம் பதித்த 6.5 அடி உயர கொப்பரை ஏற்றப்படுகிறது. கிளி கோபுரம் அருகில் சிறப்பு பூஜையுடன் மலை உச்சிக்குக் கொண்டு செல்லப்பட்டது.
- 12 Dec 2024 9:08 AM IST
விமான சேவை பாதிப்பு
- சென்னை விமான நிலைய பகுதிகளில் தொடர் மழையால் விமான சேவை பாதிப்பு
- விமானங்கள் சிறிது நேரம் வானில் வட்டமடித்து பின் தரையிறக்கம்
- சென்னையில் வந்து தரையிறங்கும் விமானங்கள் 20 நிமிடங்கள் வரை தாமதம்
- சென்னையில் இருந்து புறப்படும் 15 உள்நாட்டு விமானங்கள் தாமதம்
- சென்னையில் இருந்து கொச்சிக்கு சென்ற ஸ்பைஸ்ஜெட் விமானத்தில் இயந்திரக் கோளாறு
- இயந்திரக் கோளாறால் சென்னைக்கே திருப்பி விடப்பட்ட கொச்சி விமானம்
- 12 Dec 2024 9:07 AM IST
நாகையில் வீட்டின் சுவர் இடிந்து விழுந்து 8-ஆம் வகுப்பு மாணவன் உயிரிழந்த சம்பவம் பெரும் சோகத்தை ஏற்படுத்தியுள்ளது. லேசான காயங்களுடன் சிறுவனின் தந்தை, தங்கை உயிர் தப்பினர்.
சத்தம் கேட்டு ஓடி வந்த அக்கம் பக்கத்தினர், 4 பேரையும் மீட்டனர். நாகை மருத்துவமனைக்கு கொண்டு செல்லும் வழியில் மாணவன் கவியழகன் உயிரிழந்தார்.சிறுவனின் தந்தை, தங்கை இருவரும் நாகை மருத்துவமனையில் சிகிச்சை பெறுகின்றனர்.கனமழை காரணமாக சிறுவன் கவியழகனின் வீட்டின் சுவர் இடிந்து விழுந்துள்ளது
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
