கனமழை எச்சரிக்கை: எந்தெந்த மாவட்டங்களில் இன்று பள்ளி, கல்லூரிகளுக்கு விடுமுறை

சென்னை

பெஞ்சல் புயல் காரணமாக தமிழகத்தின் பல மாவட்டங்களிலும், புதுச்சேரி மாநிலத்திலும் கனமழை பெய்து வருகிறது.தொடர்ந்து மழை எச்சரிக்கை விடப்பட்டுள்ளதால் தமிழகத்தில் விழுப்புரம், கடலூர், கள்ளக்குறிச்சி, கிருஷ்ணகிரி, திருவண்ணாமலை மாவட்டங்களில் உள்ள பள்ளி-கல்லூரிகளுக்கு இன்று (திங்கட்கிழமை) விடுமுறை விடப்படுவதாக அந்தந்த மாவட்ட கலெக்டர்கள் அறிவித்துள்ளனர்.

வேலூர், ராணிப்பேட்டை, திருப்பத்தூர், தர்மபுரி, சேலம் ஆகிய மாவட்டங்களில் பள்ளிகளுக்கு மட்டும் இன்று விடுமுறை விடப்பட்டுள்ளது.

* புதுச்சேரி மாநிலத்தில் உள்ள பள்ளி-கல்லூரிகளுக்கு இன்று விடுமுறை அறிவிக்கப்பட்டுள்ளது.

* நீலகிரியில் பெய்துவரும் கனமழை காரணமாக உதகை, கூடலூர் தாலுகாவில் உள்ள பள்ளி, கல்லூரிகளுக்கு மட்டும் விடுமுறை அளித்து மாவட்ட கலெக்டர் உத்தரவிட்டுள்ளார்.

* நாமக்கல் மாவட்டத்தில் பெய்துவரும் கனமழை காரணமாக, கொல்லிமலையில் உள்ள பள்ளிகளுக்கு மட்டும் விடுமுறை அறிவிக்கப்பட்டு உள்ளது.

* செங்கல்பட்டு மாவட்டத்தில் திருப்போரூர், திருக்கழுக்குன்றம், செய்யூர், மதுராந்தகம், செங்கல்பட்டு ஆகிய 5 தாலுகாக்களில் இன்று பள்ளி, கல்லூரிகளுக்கு விடுமுறை அளிக்கப்படுவதாக அம்மாவட்ட கலெக்டர் அறிவித்துள்ளார்.