மழையால் பாதிக்கப்பட்ட விவசாய நிலங்களை ஆய்வு செய்து நிவாரணம் வழங்க வேண்டும் - ஜி.கே. வாசன்

சென்னை,

த.மா.கா. தலைவர் ஜி.கே. வாசன் வெளியிட்டுள்ள அறிக்கையில்,

தமிழகத்தில் பல்வேறு மாவட்டங்களில் மழை பெய்து வருகிறது. குறிப்பாக டெல்டா மாவட்டங்களில் தொடர்ந்து மழை பெய்து வருகிறது. அதனால் நெற்பயிர்கள் நீரில் முழ்கி விவசாயிகளை மிகுந்த கவலைக்குள்ளாக்கி இருக்கிறது.தஞ்சையில் உள்ள தேசிய நெடுஞ்சாலையில் உள்ள வாய்க்கால்கள் முறையாக தூர்வார்வாரப்படவில்லை. அதனால் மழைநீர் வடியாமல் பயிர்கள் நீரில் முழ்கியுள்ளது என்று டெல்டா மாவட்ட விவசாயிகள் குற்றச்சாட்டை எழுப்பியுள்ளனர்.

ஆயிரக்கனக்கான ஏக்கர் சம்பா மற்றும் தாளடி நெற்பயிர்கள் மழைநீரில் மூழ்கி பெரும் நஷ்டத்தை ஏற்படுத்தியுள்ளது. எனவே மழைநீரில் மூழ்கியுள்ள பயிர்களை காக்க உரிய நடவடிக்கையை தமிழக அரசும், மாவட்ட கலெக்டரும் எடுக்க வேண்டும்.

தொடர் மழையால் பாதிக்கப்பட்ட விவசாய நிலங்களை ஆய்வு செய்து அவற்றிற்கு உரிய நிவாரணம் வழங்கி விவசாயிகளின் வாழ்வாதாரத்தை காக்க வேண்டும் என்று தமிழ்மாநிலகாங்கிரஸ் சார்பாக கேட்டுக்கொள்கிறேன்.என தெரிவித்துள்ளார்.