பெண்ணுக்கு கொலை மிரட்டல் விடுத்தவர் கைது

அரியாங்குப்பம்

தவளக்குப்பம் மருத்துவமனை வீதியை சேர்ந்தவர் சீனிவாசன். அவரது மனைவி சித்ரா (வயது 42). இவர் தனது வீட்டோடு பெட்டிக்கடை வைத்து நடத்தி வருகிறார். சம்பவத்தன்று அவரது கடைக்கு ஒருவர் வந்து குளிர்பானம் கேட்டுள்ளார். அப்போது அவர் சித்ராவை ஆபாசமான வார்த்தையால் பேசியதாக கூறப்படுகிறது.

இதுகுறித்து அவர் தனது கணவரிடம் செல்போன் மூலம் தெரிவித்தார். இதனால் ஆத்திரம் அடைந்த அவர், சித்ராவுக்கு கொலை மிரட்டல் விடுத்து விட்டு, அங்கிருந்து தப்பி சென்றார்.

இதுகுறித்து சித்ரா அளித்த புகாரின்பேரில் அரியாங்குப்பம் போலீசார் வழக்குப்பதிவு செய்து விசாரணை நடத்தினர். அப்போது சித்ராவுக்கு கொலை மிரட்டல் விடுத்தது அபிஷேகப்பாக்கத்தை சேர்ந்த சத்தியமூர்த்தி என்பது தெரியவந்தது. இதையடுத்து அவரை போலீசார் கைது செய்தனர்.