செங்கழுநீர் அம்மன் கோவில் அறங்காவலர் குழு நியமனம்

பாகூர்

ஏம்பலம் தொகுதி சேலியமேடு செங்கழுநீர் மாரியம்மன் தேவஸ்தான அறங்காவலர் குழு பதவிகாலம் முடிவடைந்தது. இதனையடுத்து, புதுச்சேரி இந்து அறநிலைய துறை மூலமாக லட்சுமிகாந்தன் எம்.எல்.ஏ. அறிவுறுத்தலின்படி புதிய அறங்காவலர் குழு அமைக்கப்பட்டுள்ளது.

அதன்படி, புதிய தலைவராக வெங்கட்ராமன், துணைத்தலைவராக கார்த்திகேயன், செயலாளராக சீனுவாசன், பொருளாளராக சுந்தரமூர்த்தி, உறுப்பினராக சுதந்திரா ரகுராமன் ஆகியோர் நியமிக்கப்பட்டுள்ளனர்.

இதற்கான இந்து அறநிலையத்துறை ஆணையை முதல்-அமைச்சர் ரங்கசாமி, அறங்காவலர் குழு நிர்வாகிகளிடம் வழங்கினார். இந்த நிகழ்ச்சியில் லட்சுமிகாந்தன் எம்.எல்.ஏ. மற்றும் பலர் கலந்துகொண்டனர்.