காரைக்காலில் கிரிக்கெட் போட்டி

காரைக்கால்

காரைக்கால் மாவட்டத்தில் வருகிற 25-ந் தேதி நடைபெற இருக்கும் தேசிய வாக்காளர் தினத்தை முன்னிட்டு, காரைக்கால் மாவட்ட தேர்தல் துறை சார்பாக தொடர்ச்சியாக கிரிக்கெட் போட்டிகள் நடத்தப்பட உள்ளது. அதன் முதல் போட்டியினை துணை மாவட்ட தேர்தல் அதிகாரி பாஸ்கரன், வாக்காளர் பதிவு அதிகாரி சுபாஸ், மாவட்ட தேர்தல் துறை கண்காணிப்பாளர் பக்கிரிசாமி ஆகியோர் காரைக்கால் உப்பந்திடலில் தொடங்கி வைத்தனர்.

இப்போட்டியில் 41 அணிகள் பங்கு பெறுகின்றன. போட்டிகள் காரைக்கால், திரு.பட்டினம் பகுதிகளில் உள்ள 3 மைதானங்களில் நடைபெறுகிறது. நிகழ்ச்சியில் காரைக்கால் மாவட்ட கிரிக்கெட் அசோசியேஷன் தலைவர் ஹாஜாப்பா, செயலர் அறிவழகன், பாலமுகுந்தன் மற்றும் ராமதாஸ் ஆகியோர் கலந்து கொண்டனர்.