புதிதாக 7 பேருக்கு கொரோனா

புதுச்சேரி

புதுவையில் இன்று காலை 10 மணியுடன் நிறைவடைந்த 24 மணி நேரத்தில் 805 பேருக்கு கொரோனா பரிசோதனை மேற்கொள்ளப்பட்டது. அவர்களில் 7 பேருக்கு தொற்று உறுதி செய்யப்பட்டுள்ளது. புதுச்சேரியை சேர்ந்த 6 பேர், மாகியில் ஒருவரும் தொற்றால் பாதிக்கப்பட்டுள்ளளனர். நேற்று 9 பேர் குணமடைந்து வீடு திரும்பி உள்ளனர். 33 பேர் வீடுகளில் தனிமைப்படுத்தப்பட்டு தொடர் சிகிச்சையில் உள்ளனர்.

நேற்று முதல் தவணை தடுப்பூசியை 92 பேரும், 2-வது தவணை தடுப்பூசியை 506 பேரும், பூஸ்டர் தடுப்பூசியை 124 பேரும் செலுத்திக்கொண்டனர். இதுவரை 17 லட்சத்து 16 ஆயிரத்து 711 டோஸ் தடுப்பூசிகள் செலுத்தப்பட்டுள்ளது என்பது குறிப்பிடத்தக்கது.