விவசாயியை தாக்கிய 3 பேர் மீது வழக்கு

திருநள்ளாறு

காரைக்காலை அடுத்த திருநள்ளாறு சேத்தங்குடி கிராமத்தை சேர்ந்தவர் நாராயணமூர்த்தி (வயது 57). இவருக்கும், அதே ஊரை சேர்ந்த ராஜேந்திரன் (48) என்பவருக்கும் நிலம் தொடர்பாக பிரச்சினை இருந்து வருகிறது. இது தொடர்பான வழக்கு கோர்ட்டில் நிலுவையில் உள்ளது.

இந்த நிலையில் பிரச்சினைக்குரிய நிலத்தில் ராஜேந்திரன் நாற்று நட்டுள்ளார். இதை அறிந்த நாராயணமூர்த்தி, வயலுக்கு சென்று ராஜேந்திரனை தட்டி கேட்டார். இதில் ஆத்திரமடைந்த அவர், நாராயணமூர்த்தியை குச்சியால் தாக்கினார். மேலும் ராஜேந்திரனின் அண்ணன் சந்திரசேகரர் (50), அவரது மகன் தினேஷ் (26) ஆகியோரும் நாராயணமூர்த்தியை தாக்கியதாக கூறப்படுகிறது. இதில் காயமடைந்த அவர் காரைக்கால் அரசு ஆஸ்பத்திரியில் சிகிச்சை பெற்று வருகிறார்.

இந்த தாக்குதல் தொடர்பாக ராஜேந்திரன் உள்பட 3 பேர் மீது திருநள்ளாறு போலீசார் வழக்குப்பதிவு செய்து விசாரணை நடத்தி வருகின்றனர்.