பா.ஜ.க. பிரமுகர் மோட்டார் சைக்கிளுக்கு தீவைப்பு

புதுச்சேரி

திருபுவனை பாளையம் பிள்ளையார்கோவில் தெருவை சேர்ந்தவர் முருகன் (வயது 41). இவர் பா.ஜ.க. திருபுவனை தொகுதி தலைவராக உள்ளார். இந்த நிலையில் திருபுவனை பாளையம் பகுதியில் பா.ஜ.க. செயற்குழு கூட்டத்திற்காக பேனர், கொடி கட்டும் பணியில் முருகன் ஈடுபட்டார்.

அப்போது அங்கு மோட்டார் சைக்கிளில் வந்த 6 பேர் கொண்ட கும்பல், முருகனை தகாத வார்த்தைகளால் திட்டியதுடன், முருகன் வீட்டின் முன்பு நிறுத்தியிருந்த மோட்டார் சைக்கிளையும் தீயிட்டு கொளுத்தி விட்டு தப்பியது. இதுகுறித்த புகாரின்பேரில் திருபுவனை போலீசார் வழக்குப்பதிவு செய்து 6 பேர் கொண்ட கும்பல் குறித்து விசாரணை நடத்தி வருகின்றனர்.