ஆட்டோ மோதி டிபன் கடைக்காரர் பலி

புதுச்சேரி

புதுவை லாஸ்பேட்டை தாகூர் நகர் 4-வது குறுக்கு தெருவை சேர்ந்தவர் ஜெகதீசன் (வயது 39). இவர் சாலையோரத்தில் தள்ளுவண்டியில் டிபன் கடை வைத்து நடத்தி வந்தார். சம்பவத்தன்று இவர் கருவடிக்குப்பம் சாராயக்கடை அருகே ரோட்டை கடக்க முயன்றபோது அந்த வழியாக வந்த ஆட்டோ மோதியது. இதில் பலத்த காயம் அடைந்த அவர் புதுவை அரசு ஆஸ்பத்திரியில் சிகிச்சைக்காக அனுமதிக்கப்பட்டார். அங்கு சிகிச்சை பலனின்றி அவர் பரிதாபமாக இறந்து போனார். விபத்து குறித்து புதுவை வடக்கு பகுதி போக்குவரத்து போலீஸ் சப்-இன்ஸ்பெக்டர் கேசவன் வழக்குப்பதிவு செய்து விசாரணை நடத்தி வருகிறார்.