தம்பதி மீது தாக்குதல்

கோட்டுச்சேரி

திருநள்ளாறை அடுத்த பத்தக்குடியைச் சேர்ந்தவர் ராஜேஷ் (வயது 30). கட்டிட தொழிலாளி. அதே பகுதியை சேர்ந்தவர் சுப்பிரமணி. இவர் ராஜேஷ் வீட்டின் அருகில் சம்பவத்தன்று இரவு பட்டாசு வெடித்தார். இதுபற்றி ராஜேஷ் கேட்டபோது இருவருக்கும் தகராறு ஏற்பட்டது. இதில் ஆத்திரமடைந்த சுப்ரமணி, ராஜேசை திட்டி தாக்கினார். இதை தடுக்க முயன்ற அவரது மனைவியையும் தாக்கியதாக கூறப்படுகிறது.

இதில் காயமடைந்த இருவரும் தேனூர் அரசு சமுதாய நலவழி மையத்தில் சிகிச்சை பெற்றனர். இது குறித்து ராஜேஷ் திருநள்ளாறு போலீசில் புகார் அளித்தார். அதன்பேரில் போலீஸ் இன்ஸ்பெக்டர் அறிவுசெல்வம் வழக்குப்பதிவு செய்து விசாரணை நடத்தி வருகிறார்.