பணம் வைத்து சூதாடிய 6 பேர் கைது

புதுச்சேரி

புதுவை ஆலங்குப்பம் அன்னை நகர் ஏரிக்கரையில் சிலர் பணம் வைத்து சூதாடுவதாக போலீசாருக்கு ரகசிய தகவல் கிடைத்தது. அதன்பேரில் கோரிமேடு போலீஸ் சப்-இன்ஸ்பெக்டர் குமார் மற்றும் போலீசார் அங்கு விரைந்து சென்றனர். அங்கு ஏரிக்கரையில் சூதாடிக்கொண்டிருந்த கும்பலை சுற்றி வளைத்து மடக்கி பிடித்தனர். விசாரணையில் அவர்கள் வானூர் கோட்டூரை சேர்ந்த கனகராஜ் (வயது 48), ராமநாதபுரத்தை சேர்ந்த ஏழுமலை (49), காட்டேரிகுப்பத்தை சேர்ந்த ராமதாஸ் (50), ஆலங்குப்பம் அன்னை நகரை சேர்ந்த உதயகுமார் (32), ராஜசேகர் (19), அசோக்குமார் ஆகியோர் என்பது தெரியவந்தது. இதையடுத்து அவர்கள் 6 பேரையும் போலீசார் கைது செய்தனர். அவர்களிடமிருந்து இருந்து சீட்டுகட்டுகள், ரூ.42 ஆயிரத்து 940 மற்றும் 5 செல்போன்களை பறிமுதல் செய்தனர்.