சாராயம் விற்ற 2 பேர் கைது

மரக்காணம்

மரக்காணம் மாரியம்மன் கோவில் தெருவில் சிலர் சாராயம் விற்பதாக மரக்காணம் போலீஸ் நிலையத்துக்கு தகவல் கிடைத்தது. அதன்பேரில், இன்ஸ்பெக்டர் சுரேஷ் பாபு, சப்-இன்ஸ்பெக்டர் சிவகுருநாதன் மற்றும் போலீசார் குறிப்பிட்ட தெரு பகுதியில் வீடு வீடாக ஆய்வு செய்தனர். அப்போது வீட்டில் சாராயம் விற்பனை செய்து கொண்டிருந்த அமரன் (வயது 29), ரவி (32) ஆகியோர் கைது செய்யப்பட்டனர். ஆறுமுகம் என்பவர் தப்பியோடி விட்டார். கைதானவர்களிடம் இருந்து 100 லிட்டர் சாராயம் பறிமுதல் செய்யப்பட்டது.