பட்ஜெட் 2025: தனிநபர் வருமான வரி விதிப்பில் மாற்றம்.. ரூ.12 லட்சம் வரை வரி கிடையாது

புதிய வரி விதிப்பின் கீழ் புதிய வரி அடுக்குகளை நிதி மந்திரி நிர்மலா சீதாராமன் அறிவித்தார்.

அதன் விவரம்:

வரி விகிதங்களில் மேற்கொள்ளப்பட்டுள்ள மாற்றங்களின் காரணமாக அரசுக்கான வரி வருவாய் குறையும். நேரடி வரிகளில் ரூ.1 லட்சம் கோடி, மறைமுக வரிகளில் ரூ.2,600 கோடி குறையும்.

தனிநபர் வருமானவரி விலக்கு உச்ச வரம்பு ரூ. 7 லட்சத்தில் இருந்து ரூ. 12 லட்சமாக உயர்த்தப்பட்டுள்ளது. புதிய வருமானவரி முறையில் ரூ. 12 லட்சம் வரை இனி வரி கிடையாது. கூடுதலாக ரூ. 75 ஆயிரம் கழிவும் வழங்கப்படும் என்று நிதி மந்திரி நிர்மலா சீதாராமன் தெரிவித்துள்ளார்.

வருமானவரி விலக்கு உச்ச வரம்பு ரூ. 12 லட்சமாக அதிகரிப்பு - நிதி மந்திரி நிர்மலா சீதாராமன்

வருமானவரி கால அவகாசம் நீட்டிப்பு

வருமானவரி கணக்கை தாக்கல் செய்ய கால அவகாசம் 4 ஆண்டுகளாக நீட்டிக்கப்படுவதாக நிதி மந்திரி நிர்மலா சீதாராமன் அறிவித்துள்ளார். 

தாய்மொழியில் மாணவர்களுக்கு டிஜிட்டல் முறையில் பாடங்கள் கற்பிக்கப்படும் என்று நிதி மந்திரி நிர்மலா சீதாராமன் தெரிவித்துள்ளார்.

லித்தியம் பேட்டரிக்கு சுங்க வரி குறைப்பு

லித்தியம் பேட்டரிக்கு சுங்க வரி குறைக்கப்பட்டுள்ளது என நிதி மந்திரி தெரிவித்துள்ளார். இதன் மூலம் மின்சார வாகனங்களின் விலை குறைய வாய்ப்பு உள்ளது.

பீகாரில் பசுமை விமான நிலையம் அமைக்கப்படும் - நிதி மந்திரி நிர்மலா சீதாராமன்

நகர்புற சவால்களை சந்திக்க 2025-26 நிதியாண்டில் 10 ஆயிரம் கோடி ரூபாய் ஒதுக்கப்படும் - நிதி மந்திரி நிர்மலா சீதாராமன்

ரூ. 500 கோடியில் செயற்கை நுண்ணறிவு கல்வி மையங்கள் அமைக்கப்படும் - நிதி மந்திரி நிர்மலா சீதாராமன்