இன்றைய தங்கம், வெள்ளி விலை நிலவரம்...?

சென்னை,

தங்கம் விலையில் ஏற்ற, இறக்கம் தொடருகிறது. கடந்த மாதம் (டிசம்பர்) 26, 27ம் தேதிகளில் விலை அதிகரித்து, பின்னர் விலை குறைந்த தங்கம், இந்த மாதம் தொடக்கத்தில் இருந்து மீண்டும் ஏறுமுகத்தில் காணப்பட்டது. கடந்த 3-ந்தேதி தங்கம் விலை சவரனுக்கு ரூ.640 அதிரடியாக உயர்ந்த நிலையில் கடந்த 4ம் தேதி தங்கம் விலை சவரனுக்கு ரூ.360 குறைந்தது.

நேற்று முன்தினம் வார விடுமுறை என்பதால், விலை மாற்றமின்றி விற்பனை செய்யப்பட்டது. இந்த நிலையில் இன்றும் தங்கம் விலையில் மாற்றமின்றி விற்பனை செய்யப்படுகிறது. அதன்படி, சென்னையில் 22 கேரட் ஆபரணத் தங்கம் ஒரு சவரன் ரூ.57,720-க்கு விற்பனை செய்யப்படுகிறது. தங்கம் ஒரு கிராம் ரூ.7,215-க்கு விற்பனை செய்யப்படுகிறது. வெள்ளி விலை கிராமுக்கு ரூ.1 உயர்ந்து ஒரு கிராம் ரூ.100-க்கு விற்பனை செய்யப்படுகிறது.