உலகக்கோப்பை கால்பந்து: 'குரூப் ஏ' பிரிவில் நெதர்லாந்து ,செனகல் அணிகள் அடுத்த சுற்றுக்கு தகுதி

தோகா,

கத்தாரில் 22-வது உலக கோப்பை கால்பந்து போட்டி நடைபெற்று வருகிறது. இந்தத் தொடரில் குரூப் ஏ பிரிவில் இன்று நடைபெற்ற லீக் ஆட்டத்தில் செனகல் - ஈகுவடார் அணிகள் மோதின.இந்த ஆட்டத்தில் 2-1 என்ற கணக்கில் செனகல் அணி வெற்றி பெற்றது.

இந்த வெற்றியால் செனகல் 3 போட்டிகளில் 2 வெற்றி ,1 தோல்வி என ( ரவுண்ட் 16 ) அடுத்த சுற்றுக்கு முன்னேறியது.

குரூப் ஏ பிரிவில் இன்று நடைபெற்ற மற்றொரு போட்டியில் நெதர்லாந்து - கத்தார் அணிகள் மோதின.இந்த ஆட்டத்தில் நெதர்லாந்து அணி 2-0 என வெற்றி பெற்றது.இதனால் 3 போட்டிகளில் 2 வெற்றி ,1 டிரா என்று நெதர்லாந்து அணி அடுத்த சுற்றுக்கு முன்னேறியது.

குரூப் ஏ பிரிவில் மற்ற 2 அணிகள் (கத்தார் ,ஈகுவடார்) தொடரிலிருந்து வெளியேறியுள்ளன.