வெற்றிமாறன் இயக்கும் 'வாடிவாசல்' படத்தின் அப்டேட்

சென்னை,

தனுஷ் நடிப்பில் 2007-ம் ஆண்டு வெளியான பொல்லாதவன் படத்தின் மூலம் தமிழ் திரையுலகிற்கு இயக்குனராக அறிமுகமானவர் வெற்றிமாறன். அதன்பின்னர் ஆடுகளம், விசாரணை, வடசென்னை, அசுரன், விடுதலை உள்ளிட்ட பல வெற்றி படங்களை இயக்கி உள்ளார். இவர் தற்போது விடுதலை படத்தின் 2 -ம் பாகத்தை இயக்கி முடித்துள்ளார். இப்படம் வருகிற 20-ந் தேதி வெளியாக உள்ளது.

இதற்கிடையில் இயக்குனர் வெற்றி மாறன் நடிகர் சூர்யாவை வைத்து 'வாடிவாசல்' என்ற படத்தை இயக்க திட்மிட்டிருந்தார். அதற்கான அதிகாரபூர்வ அறிவிப்பும் வெளியாகி படத்தின் மீதான எதிர்பார்ப்பை அதிகப்படுத்தியது. ஆனால் படப்பிடிப்பு பணிகள் தொடங்காமால் தாமதமாகி கொண்ட போனது. தற்போது நடிகர் சூர்யா ஆர்.ஜே பாலாஜி இயக்கத்தில் சூர்யா 45 படத்தில் நடித்து வருகிறார்.

இந்த நிலையில் தற்போது 'வாடிவாசல்' படத்தின் அப்டேட் ஒன்று வெளியாகி உள்ளது. அது என்னவென்றால் வாடிவாசல் திரைப்படத்தின் படப்பிடிப்பு பணிகள் அடுத்த ஆண்டு பிப்ரவரி மாதத்தில் தொடங்க உள்ளதாக தகவல் வெளியாகி உள்ளது. இப்படத்தின் முற்கட்ட பணிகள் மதுரையில் தொடங்க உள்ளதாக கூறப்படுகிறது. விரைவில் இப்படத்தின் அதிகாரபூர்வ அறிவிப்புகள் வெளியாகும் என்று எதிர்பார்க்கப்படுகிறது.