சமுத்திரக்கனி நடித்துள்ள "ராஜாகிளி" படத்தின் 'ஆண்டவனே' பாடல் வெளியீடு

சென்னை,

தம்பி ராமையா கதை, வசனம் எழுதி அவரது மகன் உமாபதி ராமையா இயக்கியுள்ள திரைப்படம் 'ராஜாகிளி'. இந்த படத்தில் சமுத்திரக்கனி, தம்பி ராமையா இருவரும் முக்கிய கதாபாத்திரத்தில் நடித்துள்ளனர்.

மேலும் இந்த படத்தில் எம்.எஸ்.பாஸ்கர், பழ கருப்பையா, இளவரசு, ஆடுகளம் நரேன், ரேஷ்மா, டெப்பா, ஜி.பி.முத்து உள்ளிட்ட பலர் நடித்துள்ளனர். வி ஹவுஸ் புரொடக்சன்ஸ் சார்பில் சுரேஷ் காமாட்சி தயாரித்துள்ள இந்த படத்திற்கு தம்பி ராமையா இசையமைத்துள்ளார்.கோபிநாத், கேதார்நாத் இருவரும் ஒளிப்பதிவு செய்துள்ளனர். சுதர்சன் ஆர் படத்தொகுப்பு செய்கிறார். இப்படத்தின் டீசர் வெளியாகி ரசிகர்களின் கவனத்தைப் பெற்றது. .50-வயதைக் கடந்த தொழிலதிபர் ஒருவரின் வாழ்க்கையை மையமாக வைத்து இப்படம் உருவாகியிருக்கிறது.வி ஹவுஸ் புரடக்ஷன்ஸ் சார்பாக சுரேஷ் காமாட்சி இந்தப் படத்தை தயாரித்துள்ளார்.

இந்தப் படத்தின் இறுதிக்கட்ட பணிகள் முடிந்த நிலையில், நவம்பர் 29-ம் தேதி இந்தப் படம் வெளியாகும் என படக்குழு அறிவிருந்தது. ஆனால் ஒரு சில காரணத்தால் படத்தின் ரிலீஸ் தேதி மாற்றம் செய்யப்பட்டுள்ளது. இதற்கிடையில் இப்படத்தின் டிரெய்லரை படக்குழு வெளியிட்டு ரிலீஸ் தேதி அறிவித்துள்ளது. அதன்படி இப்படம் வருகிற டிசம்பர் மாதம் 13-ந் தேதி வெளியாக உள்ளது. மேலும் வித்தியாசமான கதைக்களத்தில் உருவாகியுள்ள இந்த படத்தின் டிரெய்லரும் இணையத்தில் வைரலாகி வருகிறது.

இந்நிலையில் இப்படத்தின் 'ஆண்டவனே' பாடல் வெளியாகியுள்ளது.