'சிம்பு 49' படத்தை தொடங்குவதில் சிக்கல்!

சென்னை,

நடிகர் சிம்புவிற்கு மாநாடு, வெந்து தணிந்தது காடு, பத்து தல என ஹாட்ரிக் ஹிட் அடித்தது. இயக்குனர் மணிரத்னம் - கமல்ஹாசன் கூட்டணியில் உருவாகும் 'தக் லைப்' படத்தில் சிம்பு நடித்து முடித்துள்ளார். இந்த படத்தின் படப்பிடிப்பும் சமீபத்தில் முடிவடைந்தது. இப்படம் விரைவில் வெளியாக உள்ளது.

இவர் அடுத்ததாக 'ஓ மை கடவுளே', 'டிராகன்' போன்ற படங்களை இயக்கி உள்ள இயக்குனர் அஸ்வத் மாரிமுத்து இயக்கத்தில் நடிக்க உள்ளார். இது சிம்புவின் 49-வது படமாகும். இந்த படத்தை ஏஜிஎஸ் எண்டர்டெயின்மென்ட் நிறுவனம் தயாரிக்க உள்ளது. இதன் படப்பிடிப்பு 'டிராகன்' படப்பிடிப்பு முடிந்தவுடன் 'சிம்பு 49' தொடங்கும் என கூறப்படுகிறது.

ஆனால், 'சிம்பு 49' படப்பிடிப்பு தொடங்குவதற்கு முன்னர் சில சிக்கல்களை நடிகர் சிம்பு முடிக்க வேண்டும். ஏனென்றால் வேல்ஸ் நிறுவனம் சிம்புவின் மீது புகார் அளித்துள்ளது. அதுமட்டுமன்றி சிம்புவின் மீது வழக்கும் தொடர்ந்திருக்கிறார்கள். இந்த பிரச்சினை முடிந்தவுடன் சிம்புவின் 49-வது படப்பிடிப்பு தொடங்கும் என்று எதிர்பார்க்கப்படுகிறது. சிம்புவின் அடுத்த படத்தை தேசிங்கு பெரியசாமி தயாரிக்க உள்ளதாக கூறப்படுகிறது.