திருமண விழாவில் சிம்பு, சிவகார்த்திகேயனுடன் தனுஷ்

சென்னை,

நடிகர் தனுஷ் இயக்கி நடித்து வரும் இட்லி கடை படத்தை தயாரித்து வரும் டான் பிக்சர்ஸ் தயாரிப்பு நிறுவனத்தை நடத்தி வரும் ஆகாஷ் பாஸ்கரின் திருமணம் நடைபெற்றது. இந்த திருமண நிகழ்ச்சியில் அனிருத், சிவகார்த்திகேயன், நயன்தாரா, தனுஷ் உள்ளிட்ட பல பிரபலங்கள் கலந்து கொண்டு மணமக்களை வாழ்த்தினர்.

கடந்த சில தினங்களாக தனுஷ் – நயன்தாரா இருவருக்குமான மோதல்கள் தான் பெரிய அளவில் பேசப்பட்டு வருகிறது. அதன்படி நயன்தாராவின் ஆவணப்படத்தில் நானும் ரெளடி தான் பட காட்சிகளை இணைக்க படத்தின் தயாரிப்பாளர் தனுஷ் அனுமதி வழங்காத காரணத்தால் நடிகை நயன்தாரா, தனுஷை தாக்கி அறிக்கை ஒன்றிணை வெளியிட்டிருந்தார். அதில் நடிகர் தனுஷ், 3 வினாடி காட்சிக்கு 10 கோடி ரூபாய் இழப்பீடு கேட்டதாகவும் தனுஷின் இந்த பழிவாங்கும் நடவடிக்கையால் தானும் தனது கணவர் விக்னேஷ் சிவனும் மிகவும் பாதிக்கப்பட்டுள்ளதாக தெரிவித்திருந்தார். நயன்தாரா வெளியிட்டிருந்த அந்த அறிக்கைக்கு மலையாள நடிகைகள் பலரும் ஆதரவு தெரிவித்து வந்தனர். தனுஷ் மற்றும் நயன்தாரா ஆகிய இருவரும் ஆகாஷ் பாஸ்காரனின் திருமண விழாவில் கலந்துகொண்ட வீடியோ இணையத்தில் வைரலாகி வருகிறது.

இந்த நிலையில், தயாரிப்பாளர் ஆகாஷ் பாஸ்கரன் திருமணத்தில் நடிகர்கள் தனுஷ், சிவகார்த்திகேயன், சிம்பு மற்றும் நயன்தாரா உள்ளிட்ட சினிமா பிரபலங்கள் பலரும் கலந்துகொண்டனர். நிகழ்ச்சியில் தனுஷ் நடிகர் சிவகார்த்திகேயனை கட்டியணைத்து தன் மகிழ்ச்சியைத் தெரிவித்துள்ளார்.

நேற்று இரவு நடந்த திருமண பார்ட்டியில் நடிகர் தனுஷ் மற்றும் சிம்பு கலந்துக் கொண்டுள்ளனர். நடிகர் சிம்புவை சந்தித்த தனுஷ் அவரையும் கட்டியணைத்தார். தனுஷுக்கு சிவகார்த்திகேயன் மற்றும் சிம்புவுடன் பிரச்னை இருப்பதாகவே சமூக வலைதளங்களில் நம்பப்பட்டு வந்த சூழலில் இருவரிடமும் தனுஷ் நடந்துகொண்ட விதமும் புகைப்படமும் இணையத்தில் வைரலாகி வருகிறது.