ஹமாஸ் அமைப்பினருக்கு ஆதரவாக இஸ்ரேலை தாக்கும் ஹிஸ்புல்லா

ஹமாஸ் அமைப்பினருக்கு ஆதரவாக ஹிஸ்புல்லா அமைப்பினரும் இஸ்ரேல் மீது தாக்குதல் தொடுத்துள்ளனர். லெபனான் எல்லையில் இருந்து ராக்கெட்டுகள், பீரங்கி எதிர்ப்பு ஏவுகணைகளை இஸ்ரேல் மீது ஏவி தாக்குதல் நடத்தினர்.

இதில் இஸ்ரேலை சேர்ந்த ஒருவர் பலியானார். ஏராளமானோர் காயமடைந்தனர்.

இதைத்தொடர்ந்து லெபனான் எல்லைக்குள் இஸ்ரேல் பதில் தாக்குதல் தொடுத்தது. இந்த சண்டையில் இரு தரப்பிலும் பலர் காயமடைந்தனர்.

கடந்த 14-ந்தேதி இஸ்ரேல் நடத்திய தாக்குதலில் 2 லெபனானியர்கள் உயிரிழந்ததற்கு எச்சரிக்கையாக இந்த தாக்குதலை நடத்தியதாகவும், முழுமையான போரில் ஈடுபடும் திட்டமில்லை என்றும் ஹிஸ்புல்லா தெரிவித்து உள்ளது.