இலங்கை அணியை வீழ்த்தி தொடரை கைப்பற்றிய நியூசிலாந்து

முதலில் பேட்டிங் செய்ய களமிறங்கிய நியூசிலாந்து 20 ஓவர்கள் முடிவில் 5 விக்கெட்டுகளை இழந்து 186 ரன்கள் குவித்தது. அதிகபட்சமாக சாப்மேன் 42 ரன்களும், ராபின்சன் மற்றும் மிச்சேல் ஹே தலா 41 ரன்களும் அடித்தனர். இலங்கை தரப்பில் ஹசரங்கா 2 விக்கெட்டுகள் வீழ்த்தினார்.

பின்னர் 187 ரன்கள் அடித்தால் வெற்றி என்ற இலக்கை நோக்கி களமிறங்கிய இலங்கை அணியால் நியூசிலாந்து பந்துவீச்சை சமாளிக்க முடியவில்லை. 19.1 ஓவர்கள் மட்டுமே தாக்குப்பிடித்த இலங்கை அணி 141 ரன்களில் ஆல் அவுட் ஆனது. இதன் மூலம் 45 ரன்கள் வித்தியாசத்தில் வெற்றி பெற்ற நியூசிலாந்து 3 போட்டிகள் கொண்ட டி20 தொடரை 2-0 என்ற கணக்கில் கைப்பற்றியது.