டுகாடி பனிகேல் வி 4 ஆர்

டுகாடி நிறுவனத்தின் பிரபலமான மோட்டார் சைக்கிள் பனிகேல். இதில் தற்போது வி 4 ஆர் மாடலை இந்நிறுவனம் அறிமுகம் செய்துள்ளது. இதன் விற்பனையக விலை சுமார் ரூ. 69.99 லட்சம். சாகசப் பிரியர்களுக்கு ஏற்ற வகையில் சீறிப் பாயும் மோட்டார் சைக்கிளாக 998 சி.சி. திறனுடன் அறிமுகமாகியுள்ளது. இதில் உள்ள வி 4 என்ஜின் 218 பி.ஹெச்.பி. திறனை 16,500 ஆர்.பி.எம். சுழற்சியில் வெளிப்படுத்தும். 6 கியர்களைக் கொண்டதாக வடிவமைக்கப்பட்டுள்ளது. சொகுசான பயணத்திற்கு ஆஹ்லின்ஸ் சஸ்பென்ஷன், சிறப்பான பிரேக்கிற்கு பிரெம்போ ஸ்டைலெமா பயன் படுத்தப்பட்டுள்ளது. இதன் எடை 193.5 கிலோவாகும்.

இந்த மோட்டார் சைக்கிளின் பெரும்பாலான பகுதிகள் எடை குறைந்த, உறுதியான கார்பன் பைபரால் ஆனது. இது இத்தாலியில் இருந்து இறக்குமதி செய்யப்பட்டு இங்கு விற்பனை செய்யப் படுகிறது.