பெண்கள், சிறுமிகளுக்கு நலத்திட்டங்கள்
பெண்கள், சிறுமிகளுக்கு பலன் அளிக்கும் வகையில் 3 லட்சம் கோடி ரூபாய் மதிப்பிலான நலத்திட்டங்கள் செயல்படுத்தப்படும் - நிதி மந்திரி நிர்மலா சீதாராமன்
ஆந்திராவுக்கு சிறப்பு நிதி
ஆந்திர தலைநகர் (அமராவதி) மேம்பாட்டிற்கு சிறப்பு நிதி ஒதுக்கப்படும் என்று பட்ஜெட்டில் நிதி மந்திரி நிர்மலா சீதாராமன் அறிவித்துள்ளார்.
பீகாரில் சாலை மேம்பாட்டு திட்டங்களுக்கு ரூ. 26 ஆயிரம் கோடி - மத்திய பட்ஜெட்டில் அறிவிப்பு
பீகாரில் சாலை மேம்பாட்டு திட்டங்களுக்கு ரூ. 26 ஆயிரம் கோடி ஒதுக்கப்படும் என்று மத்திய பட்ஜெட்டில் நிதி மந்திரி நிர்மலா சீதாராமன் அறிவித்துள்ளார்.
கல்விக்கடனுதவி:
உள்நாட்டு கல்வி நிறுவனங்களில் உயர்கல்வி பயிலும் மாணவ-மாணவிகளுக்கான கல்விக்கடனுதவி தொகை 10 லட்சம் ரூபாயாக உயர்த்தப்படுகிறது
பணியில் உள்ள பெண்களுக்கு விடுதிகள் அமைக்கப்படும் - நிதி மந்திரி
தொழில்துறையில் பெண்களின் பங்களிப்பை அதிகரிக்கும் வகையில் பணி செய்யும் பெண்களுக்கு மத்திய அரசு விடுதிகளை அமைக்கும்.
வேலையில் சேரும் 30 இளைஞர்களுக்கு ஊக்கத்தொகையாக அவர்களின் வருங்கால வைப்பு நிதியின் ஒருமாத முழு தொகையை மத்திய அரசே வழங்கும் - நிதி மந்திரி நிர்மலா சீதாராமன்
இறால் வளர்ப்பு மற்றும் சந்தைபடுத்தலுக்கு மத்திய அரசு நிதி உதவி அளிக்கும். கிராமப்புற பொருளாதார வளர்ச்சி மற்றும் வேலைவாய்ப்பு உருவாக்கத்திற்கு அதிக முன்னுரிமை அளிக்கப்படும். கிஷான் கடன் அட்டை 5 மாநிலங்களில் அறிமுகப்படுத்தப்படும் என்று நிர்மலா சீதாராமன் கூறினார்.
1 கோடி விவசாயிகள் இயற்கை விவசாயத்தில் ஈடுபடுவார்கள் - நிர்மலா சீதாராமன்
அடுத்த 2 ஆண்டுகளில் 1 கோடி விவசாயிகள் இயற்கை விவசாயத்தில் ஈடுபடுவார்கள். பருப்பு வகைகள் உற்பத்தி, சேமிப்பு, சந்தைபடுத்துவதற்கான வழிமுறைகளை அரசு வலிமைபடுத்தும். விவசாயத்துறையில் டிஜிட்டல் பொது கட்டமைப்பை ஊக்கப்படுத்த மாநில அரசுகளுடன் மத்திய அரசு இணைந்து செயல்படும் என்று நிர்மலா சீதாராமன் கூறினார்.
வேளாண் துறைக்கு ரூ.1.52 லட்சம் கோடி நிதி ஒதுக்கீடு செய்யப்படுகிறது.