பிரான்சில் காட்டுத்தீபோல பரவுகிறது ஒரே நாளில் 4.64 லட்சம் பேருக்கு கொரோனா
ஐரோப்பிய நாடுகளில் ஒன்றான பிரான்சில் கொரோனா வைரஸ் தொற்று காட்டுத்தீயாக பரவி வருகிறது.
பாரீஸ்
ஐரோப்பிய நாடுகளில் ஒன்றான பிரான்சில் கொரோனா வைரஸ் தொற்று காட்டுத்தீயாக பரவி வருகிறது. இங்கு நேற்று முன்தினம் ஒரே நாளில் 4 லட்சத்து 64 ஆயிரத்து 769 பேருக்கு கொரோனா தொற்று உறுதியானது.
இது அதற்கு முந்தைய நாள் பாதிப்பான 3 லட்சத்து 68 ஆயிரத்து 149-விட சுமார் 1 லட்சம் கூடுதல் ஆகும்.
3,881 பேர் தீவிர சிகிச்சைப்பிரிவில் சேர்க்கப்பட்டு சிகிச்சை அளிக்கப்படுகிறது.அங்கு கொரோனா தொற்றால் பாதிப்புக்குள்ளான நிறுவனங்களுக்கு அந்த நாட்டின் அரசு நிதி உதவி திட்டங்களை அறிவித்துள்ளது.