மியாமி ஓபன் டென்னிஸ்; இறுதி போட்டிக்கு முன்னேறினார் டேனில் மெத்வதேவ்

மியாமி,

அமெரிக்காவில் மியாமி ஓபன் டென்னிஸ் போட்டிகள் நடந்து வருகின்றன. இதில், ஆடவர் ஒற்றையர் போட்டி ஒன்றில் டேனில் மெத்வதேவ் மற்றும் கேரன் கச்சனோவ் ஆகியோர் விளையாடினர்.

இந்த போட்டியில், 7-6(5), 3-6, 6-3 என்ற செட் கணக்கில் வெற்றி பெற்று இறுதி போட்டிக்கு மெத்வதேவ் முன்னேறினார். போட்டியின்போது, முதல் செட்டை மெத்வதேவ் கைப்பற்றியபோதும், 2-வது செட்டை கச்சனோவ் தன்வசப்படுத்தினார்.

இதனால், இறுதி போட்டிக்கு செல்லும் வீரர் யார் என்ற பரபரப்புடன் 3-வது செட்டுக்கான போட்டி நடந்தது. இதில், மெத்வதேவ் அதிரடியாக விளையாடி 6-3 என்ற செட் கணக்கில் எளிதில் வெற்றி பெற்றார்.

இதனால், மெத்வதேவ் இறுதி போட்டிக்கு முன்னேறி உள்ளார். அவர் நாளை நடைபெற கூடிய சாம்பியன்ஷிப் பட்டத்திற்கான போட்டியில் ஜான்னிக் சின்னரை எதிர்த்து விளையாட உள்ளார்.