சின்சினாட்டி ஓபன் டென்னிஸ்: நம்பர் 1 வீரர் அரையிறுதிக்கு முன்னேற்றம்

சின்சினாட்டி,

பல முன்னணி வீரர், வீராங்கனைகள் பங்கேற்றுள்ள சின்சினாட்டி ஓபன் டென்னிஸ் தொடர் அமெரிக்காவில் நடைபெற்று வருகிறது. இந்த தொடரில் நேற்றிரவு நடைபெற்ற ஆண்கள் ஒற்றையர் பிரிவின் காலிறுதி ஆட்டம் ஒன்றின் நம்பர் 1 வீரரான ஜானின் சின்னர் (இத்தாலி), ஆண்ட்ரே ரூப்லவ் (ரஷியா) உடன் பலப்பரீட்சை நடத்தினார்.

இதில் முதல் செட்டை ரூப்லெவ் கைப்பற்றிய நிலையில், அடுத்த இரு செட்டுகளை சின்னர் கைப்பற்றி அரையிறுதிக்கு முன்னேறியுள்ளார். இந்த ஆட்டத்தில் சின்னர் 4-6, 7-5 மற்றும் 6-4 என்ற செட் கணக்கில் போராடி கைப்பற்றி வெற்றி பெற்றார்.