அமெரிக்க ஓபன் பேட்மிண்டன்; பிவி சிந்து, லக்ஷயா சென் காலிறுதிக்கு முன்னேற்றம்...!!

கவுன்சில் பிளப்ஸ்சில்,

அமெரிக்க ஓபன் சர்வதேச பேட்மிண்டன் போட்டி கவுன்சில் பிளப்ஸ்சில் நகரில் தொடங்கி நடந்து வருகிறது. இதில் நடந்த மகளிர் ஒற்றையர் பிரிவு 2-வது சுற்று ஆட்டத்தில் இந்திய வீராங்கனை பிவி சிந்து சீன தைபே வீராங்கனையான சுங் சுயோ யுன் உடன் மோதினார்.

விறுவிறுப்பாக நடைபெற்ற இந்த போட்டியில் பிவி சிந்து 21-14, 21-12 என்ற நேர் செட்களில் சுங் சுயோ யுனை தோற்கடித்து காலிறுதி சுற்றிற்கு முன்னேறி உள்ளார். பேட்மிண்டன் தரவரிசையில் 12-வது நிலையில் உள்ள பிவி சிந்து இந்த போட்டியில் 37 நிமிடங்களில் வெற்றி பெற்றார்.

இரண்டு முறை ஒலிம்பிக் சாம்பியனான பிவி சிந்து தனது காலிறுதி ஆட்டத்தில் சீனாவைச் சேர்ந்த காவ் பாங் ஜீ-ஐ எதிர்கொள்கிறார்.

அதே வேளையில் ஆண்கள் ஒற்றையர் பிரிவு 2-வது சுற்று ஆட்டத்தில் இந்தியாவின் லக்ஷயா சென் செக் குடியரசின் ஜான் லௌடா உடன் மோதினார்.பரபரப்பாக நடந்த இந்த போட்டியில் 21-8, 23-21 என்ற நேர்செட் கணக்கில் வெற்றி பெற்று லக்ஷயா சென் காலிறுதி சுற்றிற்கு முன்னேறி உள்ளார். காலிறுதியில், காமன்வெல்த் விளையாட்டு 2022 சாம்பியனான லக்ஷயா சென் சகநாட்டவரான சங்கர் முத்துசாமி உடன் மோத உள்ளார்.