ஜூனியர் உலகக்கோப்பை: துப்பாக்கி சுடுதல் போட்டியில் இந்திய வீரர் தனுஷ் ஸ்ரீகாந்த் தங்கம் வென்றார்

ஜெர்மனியில் நடைபெற்றுவரும் துப்பாக்கி சுடுதல் ஜூனியர் உலகக்கோப்பை தொடரில் இந்திய வீரர் தனுஷ் ஸ்ரீகாந்த் தங்கப் பதக்கம் வென்று அசத்தி உள்ளார்.

ஆண்கள் 10 மீட்டர் ஏர் ரைபிள் பிரிவு இறுதிப்போட்டியில் ஒட்டுமொத்தமாக 249 புள்ளிகள் பெற்ற தனுஷ் ஸ்ரீகாந்த், முதலிடத்தையும் பிடித்தார். இதன்மூலம், தங்கப் பதக்கத்தையும் தனுஷ் தட்டிச் சென்றார். நடப்பு தொடரில் இந்தியா இதுவரை 3 தங்கப் பதக்கம் வென்றுள்ளது.