ஒலிம்பிக் குத்துச்சண்டை தகுதி சுற்று: இந்திய வீரர் சச்சின் சிவாச் கால்இறுதிக்கு முன்னேற்றம்

பாங்காக்,

பாரீஸ் ஒலிம்பிக் போட்டிக்கான குத்துச்சண்டை தகுதி சுற்று பாங்காக்கில் நடந்து வருகிறது. இதில் நேற்று நடந்த ஆண்களுக்கான 57 கிலோ எடைபிரிவின் 3-வது சுற்று ஆட்டம் ஒன்றில் இந்திய வீரர் சச்சின் சிவாச் 5-0 என்ற கணக்கில் துருக்கி வீரர் படுஹான் சிப்ட்சியை தோற்கடித்து கால்இறுதிக்கு முன்னேறினார்.

92 கிலோ எடைபிரிவில் இந்தியாவின் சஞ்சீத் குமார் 5-0 என்ற கணக்கில் வெனிசுலாவின் லூயிஸ் சான்செசை விரட்டியடித்து 3-வது சுற்றை எட்டினார். 51 கிலோ எடைபிரிவில் இந்திய வீரர் அமித் பன்ஹால் 4-1 என்ற கணக்கில் மெக்சிகோவின் மவுரிசியோ ரூயிசை தோற்கடித்தார்.

பெண்களுக்கான 57 கிலோ எடைபிரிவில் இந்தியாவின் ஜெய்ஸ்மின் 5-0 என்ற கணக்கில் அஜர்பைஜான் வீராங்கனை மசாத்தி ஹம்சயேவாவை வீழ்த்தினார்.