ஆசிய விளையாட்டு - பதக்க பட்டியலில் இந்தியா 4-வது இடம்

பதக்க பட்டியலில் 4ம் இடத்தில் இந்தியா...!

ஆசிய விளையாட்டு தொடரில் 16 தங்கம், 26 வெள்ளி, 30 வெண்கலம் என மொத்தம் 72 பதக்கங்களுடன் இந்தியா பதக்க பட்டியலில் 4ம் இடத்தில் உள்ளது.

ஸ்குவாஷ்:

ஸ்குவாஷ் கலப்பு இரட்டையர் பிரிவு அரையிறுதி சுற்றில் இந்தியா - மலேசியா மோதின. மிகவும் பரபரப்பாக நடந்த இப்போட்டியில் 8-11, 11-2, 11-9 என்ற நேர் செட்களில் இந்தியாவின் அனாஹத் சிங் - அபய் சிங் இணையை வீழ்த்தி மலேசிய இணை அபார வெற்றிபெற்றது.

கடைசி வரை மிகவும் பரபரப்புடன் நடந்த இப்போட்டியில் கடைசி செட்டில் இந்திய இணை தோல்வியடைந்தது. அரையிறுதி போட்டியில் தோல்வியடைந்த போதும் இந்தியாவுக்கு வெண்கலப்பதக்கம் கிடைத்துள்ளது.  

வாலிபால்:

வாலிபால் பெண்கள் கிளாசிபிகேஷன் பிரிவு ஜி போட்டி 16ல் இந்தியா - நேபாளம் மோதின. பரபரப்பாக நடந்த இப்போட்டியில் 3-1 என்ற செட் கணக்கில் நேபாளத்தை வீழ்த்தி இந்தியா அபார வெற்றிபெற்றது. 

பேட்மிண்டன்:

பேட்மிண்டன் பெண்கள் இரட்டையர் ரவுண்ட் ஆப் 16 போட்டி 3ல் இந்தியா - தென்கொரியா மோதின. இப்போட்டியில் இந்தியாவின் காயத்ரி கோபி சந்த், டிரிசா ஜாலி இணையை 21-15, 18-21, 21-13 என்ற நேர் செட்களில் வீழ்த்தி தென்கொரிய இணை வெற்றிபெற்றது.

இப்போட்டியில் தோல்வியடைந்த இந்தியா காலிறுதிக்கு செல்லும் வாய்ப்பை இழந்தது.

ஸ்குவாஷ்:

ஸ்குவாஷ் கலப்பு இரட்டையர் அரையிறுதி போட்டியில் இந்தியா - ஹாங்காங் மோதின. இப்போட்டியில் ஹாங்காங்கை 7-11, 11-7, 11-9 என்ற நேர் செட்களில் வீழ்த்தி இந்தியாவின் தீபிகா பல்லிக்கல், ஹரிந்தர் பால் சிங் இணை அபார வெற்றிபெற்றது. இந்த வெற்றியின் மூலம் ஸ்குவாஷ் கலப்பு இரட்டையர் இறுதிப்போட்டிக்கு இந்தியா முன்னேறியுள்ளது.

இறுதிப்போட்டிக்கு முன்னேறியதால் இந்தியாவுக்கு குறைந்தபட்சம் வெள்ளிப்பதக்கம் உறுதியாகியுள்ளது.

பேட்மிண்டன்:

பேட்மிண்டன் கலப்பு இரட்டையர் ரவுண்ட் ஆப் 16 போட்டி 2ல் இந்தியா - மலேசியா மோதின. இப்போட்டியில் 21-18, 21-18 என்ற நேர் செட்களில் இந்தியா இணை சாய் பிரதீக் கிருஷ்ண பிரசாத் - தனீஷாவை வீழ்த்தி மலேசியா இணை அபார வெற்றிபெற்றது.

இப்போட்டியில் தோல்வியடைந்த இந்தியா காலிறுதி சுற்றுக்கு செல்லும் வாய்ப்பை இழந்தது.

மல்யுத்தம்:

மல்யுத்தம் ஆண்கள் கிரேகோ-ரேமன் 77 கிலோ 1/4 இறுதி போட்டி 29ல் இந்தியா - சீனா மோதின. இப்போட்டியில் 9-1 என்ற புள்ளி கணக்கில் இந்திய வீரர் விகாசை வீழ்த்தி சீன வீரர் அபார வெற்றிபெற்றார்.

மல்யுத்தம்:

மல்யுத்தம் ஆண்கள் கிரேகோ-ரேமன் 60 கிலோ பிரிவி 1/8 இறுதி போட்டி 24ல் இந்தியா - ஈரான் மோதின. இப்போட்டியில் 7-1 என்ற புள்ளிக்கணக்கில் இந்திய வீரர் ஞானிந்தரை வீழ்த்தி ஈரான் வீரர் வெற்றிபெற்றார். இப்போட்டியில் தோல்வியடைந்த இந்திய வீரர் ஞானிந்தர் அடுத்த சுற்றுக்கு செல்லும் வாய்ப்பை இழந்தார்.

பதக்க பட்டியலில் 4ம் இடத்தில் இந்தியா...!

ஆசிய விளையாட்டு தொடரில் 16 தங்கம், 26 வெள்ளி, 29 வெண்கலம் என மொத்தம் 71 பதக்கங்களுடன் இந்தியா பதக்க பட்டியலில் 4ம் இடத்தில் உள்ளது.

வில்வித்தை:

வில்வித்தை காம்பவுண்ட் கலப்பு குழு பிரிவில் இந்தியா தங்கப்பதக்கம் வென்றுள்ளது. இறுதிப்போட்டியில் இந்தியா - தென்கொரியா மோதின. மிகவும் பரபரப்பாக நடந்த இப்போட்டியில் 159 - 158 என்ற புள்ளி கணக்கில் தென்கொரியாவை வீழ்த்தி இந்தியா திரில் வெற்றிபெற்றது. இந்த வெற்றியின் மூலம் இந்தியா தங்கப்பதக்கம் வென்றது.

தங்கப்பதக்கம் வென்ற இந்திய அணியில் ஜோதி, பிரவீன் ஆகியோர் இடம்பெற்றிருந்தனர்.