ஆசிய விளையாட்டு: பெண்கள் ஈட்டி எறிதலில் இந்தியாவுக்கு தங்கம்

கபடி போட்டியில் தென் கொரியாவை வீழ்த்தியது இந்தியா

ஆசிய விளையாட்டு போட்டி தொடரில் இன்று பெண்கள் கபடி ஆட்டமும் நடைபெற்றது. குரூப் ஏ பிரிவு லீக் ஆட்டத்தில் இந்தியாவும் தென்கொரியாவும் மோதின. இப்போட்டியில் துவக்கத்தில் இருந்தே ஆதிக்கம் செலுத்தி வந்த இந்திய அணி 56-22 என்ற புள்ளிகள் கணக்கில் தென்கொரிய அணியை வீழ்த்தி அபார வெற்றி பெற்றது.

கபடி:

கபடி பெண்கள் அணி பிரிவு ஏ போட்டி 3ல் இந்தியா - தென்கொரியா மோதி வருகின்றன. இப்போட்டியில் முதல் பாதி நிறைவடைந்த நிலையில் 11-2 என்ற புள்ளி கணக்கில் இந்தியா முன்னிலையில் உள்ளது.

சாப்ட் டென்னிஸ்:

சாப்ட் டென்னிஸ் ஆண்கள் குழு பிரிவு ஏ போட்டி 9ல் இந்தியா - கம்போடியா மோதின. இப்போட்டியில் 3-0 என்ற செட் கணக்கில் கம்போடியாவை வீழ்த்தி இந்தியா அபார வெற்றிபெற்றது.

பேட்மிண்டன் 

பேட்மிண்டன் பெண்கள் இரட்டையர் ரவுண்ட் ஆப் 32 போட்டி 6ல் இந்தியா - மாலத்தீவு மோதின. இப்போட்டியில் 21-14, 21-12 என்ற நேர் செட்களில் மாலத்தீவை வீழ்த்தி இந்தியா அபார வெற்றிபெற்றது. இந்திய அணியில் காயத்ரி கோபிசந்த், டிரிசா ஜாலி ஆகியோர் இடம்பெற்றிருந்தனர்.

வில்வித்தை:

வில்வித்தை ரிகர்வி ஆண்கள் தனிநபர் காலிறுதி சுற்றில் இந்தியா - கஜகஸ்தான் மோதின. பரபரப்பாக நடந்த இப்போட்டியில் 6-5 என்ற செட் கணக்கில் இந்திய வீரர் திராஜ் பூமதேவ்ராவை வீழ்த்தி கஜகஸ்தான் வீரர் வெற்றிபெற்றார்.

இப்போட்டியில் தோல்வியடைந்த இந்திய வீரர் பூமதேவ்ராவ் அரையிறுதிக்கு செல்லும் வாய்ப்பை இழந்தார்.

வில்வித்தை:

வில்வித்தை ரிகர்வி ஆண்கள் தனிநபர் காலிறுதி சுற்றில் இந்தியா - சீனா மோதின. பரபரப்பாக நடந்த இப்போட்டியில் 6-5 என்ற செட் கணக்கில் இந்திய வீரர் அதனு தாசை வீழ்த்தி சீன வீரர் அபார வெற்றிபெற்றார்.

இப்போட்டியில் தோல்வியடைந்த இந்திய வீரர் அதனு தாஸ் அரையிறுதிக்கு செல்லும் வாய்ப்பை இழந்தார்.

பேட்மிண்டன்:

பேட்மிண்டன் ஆண்கள் ஒற்றையர் ரவுண்ட் ஆப் 32 பிரிவு போட்டி 7ல் இந்தியா - மங்கோலியா மோதின. இப்போட்டியில் 21-9, 21-12 என்ற நேர் செட்களில் மங்கோலிய வீரரை வீழ்த்தி இந்திய வீரர் சுனில் குமார் அபார வெற்றிபெற்றார்.

பேட்மிண்டன் பெண்கள் ஒற்றையர் ரவுண்ட் ஆப் 32 பிரிவு போட்டி 32ல் இந்தியா - இந்தோனேசியா மோதின. இப்போட்டியில் 21-17, 21-16 என்ற நேர் செட்களில் இந்திய வீராங்கனை அஷ்மிதாவை வீழ்த்தி இந்தோனேசிய வீராங்கனை மரிஷ்கா வெற்றிபெற்றார்.

பேட்மிண்டன் பெண்கள் இரட்டையர் ரவுண்ட் ஆப் 32 பிரிவு போட்டி 10ல் இந்தியா - மாலத்தீவு மோதின. இப்போட்டியில் 21-2, 12 -2 செட்களில் மாலத்தீவு அணியை வீழ்த்தி இந்தியா அபார வெற்றிபெற்றது. இந்திய அணியில் தனீஷா, அஸ்வினி இடம்பெற்றிருந்தனர்.

சாப்ட் டென்னிஸ்:

சாப்ட் டென்னிஸ் பெண்கள் குழு சுற்று ஏ போட்டி 4ல் இந்தியா - ஜப்பான் மோதின. இப்போட்டியில் 3-0 என்ற செட் கணக்கில் இந்தியாவை வீழ்த்தி ஜப்பான் அபார வெற்றிபெற்றது.

சாப்ட் டென்னிஸ் பெண்கள் குழு சுற்று ஏ போட்டி 6ல் இந்தியா - வியட்நாம் மோதின. இப்போட்டியில் 3-0 என்ற செட் கணக்கில் வியட்நாமை வீழ்த்தி இந்தியா அபார வெற்றிபெற்றது. 

குத்துச்சண்டை:

குத்துச்சண்டை பெண்கள் 66-75 கிலோ பிரிவின் அரையிறுதி போட்டியில் இந்தியா - தாய்லாந்து மோதின. பரபரப்பாக நடந்த இப்போட்டியில் 5-0 புள்ளி கணக்கில் தாய்லாந்து வீராங்கனையை வீழ்த்தி இந்திய வீராங்கனை லவ்லி அபார வெற்றிபெற்றார்.

இந்த வெற்றியின் மூலம் குத்துச்சண்டை பெண்கள் 66-75 கிலோ பிரிவின் இறுதிப்போட்டிக்கு லல்வி தகுதிபெற்றுள்ளார். இதன் மூலம் இந்திய வீராங்கனை லவ்லிக்கு குறைந்தபட்சம் வெள்ளிப்பதக்கம் உறுதியாகியுள்ளது.

பதக்க பட்டியல்:

ஆசிய விளையாட்டு தொடரில் 13 தங்கம், 24 வெள்ளி, 25 வெண்கலம் என மொத்தம் 62 பதக்கங்களுடன் இந்தியா பதக்க பட்டியலில் 4ம் இடத்தில் உள்ளது.